(Madda Oduu ABO/MOA/Arfaasaa 17,2008) Wayta mootummaan wayyaanee Itophiyaan jijjiiramte; dinagdeen biyyaa haala mul'atee hin beekneen guddatee jireenyi ummatootaa wayyaa'e jechuun ololaa jiru kanatti, magaalaa Finfinnee qofa keessatti daa'imman kan nyaatanii fi bakka bulan dhaban 100,000 ol ta'an karaa irra akka bulan qormaatni geggeeffame ifa godhee jira.
Lakkoobsi kun kanneen ga'eeyyii ta'anii fi jaarolee ala bulan kan hin dabalatne ta'uu kan ifa godhe qormaatni geggeeffame kun, mootummaan wayyaanee gargaarsa maallaqaa Baankii Addunyaa fi IMF irraa dhaabbatummaan itti roobuun mootummaa isaa jiraachisuu fi ummatoota hacuuccuuf oolchuu malee, waggoota 17 guutuuf rakkoo hawaasummaa
biyyattii hudhee jiru furuuf homaa kan hin hojjenne ta'uu akka mul'isu qormaatni kun hubachiiseera.
Lakkoobsi daa'imman ala bulanii harka lamaa oliin kan dabale wayta wayyaaneen dinagdeen keenya guddateera jedhee lallabaa jirutti ta'uu qormaatni kun mirkaneesseera.
MOA |
